که ور زرد -سرکش گیلانغرب

توژخه م گه رتیه  پرده پژارم                 چما میل کیشاس له روی گلارم

بال خه یالات ومیل جاران                    تربه کم وه شو له پرزه واران

په ژواره به وم تا سر په چیه شوق           به نیشم تا صو له پای کوانی ذوق

ذوقم حراجه شوقم تالانه                     روحم شو وریا سیه مالانه

دلم دله قرچیه ژیره دوار که                هوای حول حوش مینگه نوار که

بلوزه آگر گوره کته ثور                     بن بن سقانم به کیدن وه بور

بورم بن وه دسه با شمالوا                   بودم وه ماوای کرده مالوا

باشمال بورم بو تا ودیشت                  تا جی پا خدا تا باخه بهیشت

مله کیل له عرش لوره سناو که ن        سناو وه پرزه نرمه خوناو که ن

تا مال گه چین قم قومک                   به ورم تا تقه تورو دار سمک

به ورم تا اوره گه ناو مرزان نیه          عقد شو له سر آسمان نیه

شمال بوره گم بکه له داوان             به چیو چن له روی کیوه سه ره وان

یاگر بو ره گم له کیوان کی بش          بشه گوراگه بیدن وه سه ر کش